November 2025
Stortinget
Vandrekvalens reise går vidare til Oslo og Stortinget.
Oktober 2025
SotraGruppen
Vandrekvalen startar si reise hos SotraGruppen
“Sotra Gruppen er stolt og kry over å være første stoppested på reisen til vandrehvalen. Det var på Vindenes, like ved våre kontoret, plasthvalen endte sine dager. Det var her på Vindenes at vår grunder, Jarle Vindenes, tok hvalen på land, slik at vi kunne få se det triste budskapet den hadde med seg. Det er derfor med stolthet og ydmykhet vi skal ta vare på vandrehvalen den første måneden på dens reise.”
September 2025
Ideen om Vandrekvalen blir til
September 2024
Rein Sognefjord blir arrangert for første gong
September 2022
Rein Hardangerfjord blir arrangert for første gong
Januar 2017
Ein gåsenebbkval blir funnen stranda på Vindenes på Sotra. Den må avlivast. Magen er full av plast. Det vekkar internasjonal merksemd, og inspirerer kampen mot plast i naturen.
I januar 2017 stranda ein gåsenebbkval på Vindenes på Sotra. Den hadde magen full av plast, og måtte avlivast.
Kvalen vekka mange kjensler både her heime og internasjonalt, og gjorde oss alle merksamme på at plastproblemet er blitt for stort til at me kan ignorere det lenger. Plastkvalen var inspirasjonen for stiftinga av Framtidshavet, som dei siste åra har arrangert store plastryddeaksjonar i Hardangerfjorden og Sognefjorden.
Stiftar av Framtidshavet, Kenneth Bruvik, er også skaparen av det som no har blitt Vandrekvalen. Den er laga for hand, av eit stykke drivved av valnøtt som vart funne i fjæra under ein ryddeaksjon.
No skal vandrekvalen ut i verda og besøke små og store bedrifter og organisasjonar, og målet med reisa er å auke fokuset på berekraft og få oss til å tenkje på kva vi kan gjere for å redusere plast i naturen.
Det følgjer eit ansvar med kvalen. Den skal inspirere sine husvertar til å ha ekstra fokus og iverksette tiltak for å gjere si drift meir miljøbevisst. Forhåpentlegvis skal inspirasjonen halde fram lenge etter kvalen reiser vidare til neste bedrift.
Vandrekvalens reise startar på Sotra, der plastkvalen endte si reise. Kor reisa går veit me framleis ikkje, men me veit at den kjem tilbake til vestlandet i 2030, til Ocean Decade i Bergen.
Håpet er at den etterlatar seg eit langt spor av endringar og ringar i vatnet som vil inspirere endå fleire til å gjere litt meir for å ta vare på det fantastiske havet vårt og naturen som vi alle er heilt avhengige av for å leve.
Ingen kan gjere alt, men alle kan gjere litt.